செல்வி ஐஸ்வரியா கணேசன் அவர்கள் இலங்கை, யாழ்ப்பாணப் பல்கலைக்கழகத்தில் நுண்கலை மாணி பட்டமும் (BFA), இந்தியாவில் தமிழ்நாட்டிலுள்ள அண்ணாமலைப் பல்கலைக்கழகத்தில் முதுமாணி - இசை ( வீணை), (M.Music) முதுதத்துவமாணி - இசை (M.Phil - Music) ஆகிய பட்டங்களையும் பெற்றிருக்கிறார். அதனைத் தொடர்ந்து யாழ்ப்பாணப் பல்கலைக்கழகத்தில் தமிழில் முதுமாணி (MA in Tamil) பட்டத்தினையும் பெற்றுள்ளார். இதழியல், உளவியல், கணனி, ஆங்கிலம், சிங்களம் தொடர்பாக டிப்ளோமா கற்கை நெறியினை நிறைவு செய்துள்ளார்.

யாழ்ப்பாணப் பல்கலைக்கழகத்தின் இசைத்துறையில் தற்காலிக போதனாசிரியராகப் பணியைத் தொடங்கிய இவர், அதன் பிறகு இலங்கை, கிழக்குப் பல்கலைக்கழகத்தின் கீழ் செயல்படும் சுவாமி விபுலாநந்த அழகியல் கற்கைகள் நிறுவகத்தில் இசைத்துறையின் வீணை விரிவுரையாளராகப் பணியாற்றி வருகின்றார்.

பல்கலைக்கழகக் கற்றலின் போது, பல புலமைப் பரிசில்களையும், தங்கப்பதக்கத்தினையும் பெற்றுள்ளார். இலங்கையிலும் வெளிநாடுகளிலும் வெளியாகும் பல்வேறு ஆய்விதழ்களில் இவரது ஆய்வுக் கட்டுரைகள் பல இடம் பெற்றிருக்கின்றன.

இத்தகைய சிறப்புடைய இவருக்கு தேனித் தமிழ்ச்சங்கமும் சி. பா. ஆதித்தனார் தமிழியல் ஆய்வுக் கழகமும் இணைந்து " சொற்சுவைத் தேனீ " எனும் விருதினை வழங்கிச் சிறப்பித்துள்ளது.