TheniTamilSangam.org - தேனித் தமிழ்ச் சங்கம் - நிகழ்வுகள்

http://www.thenitamilsangam.org

தேனித்   தமிழ்ச்  சங்கம்,   தேனி.  
(பதிவு எண்: 205/2017)
10, பள்ளிவாசல் தெரு, கம்பம் சாலை, தேனி - 625531.

 
 
 
 
 
 
 
 
 
விழா மற்றும் நிகழ்வுகள்

தேனித் தமிழ்ச் சங்க உறுப்பினர்களுக்கான‘உறுப்பினர் அட்டை வழங்கும் விழா’ (1-6-2019)

தேனித் தமிழ்ச் சங்க உறுப்பினர்களுக்கான உறுப்பினர் அட்டை வழங்கும் விழா
தேனித் தமிழ்ச் சங்கத்தின் உறுப்பினர்களுக்கு உறுப்பினர் அட்டை வழங்கும் விழா, தலைவர் தேனி மு. சுப்பிரமணி தலைமையில் நடைபெற்றது. துணைச்செயலாளர் மு. ரேணுகாதேவி வரவேற்புரையாற்றினார். தேனித் தமிழ்ச் சங்கத்தின் செயலாளர் சு.சி. பொன்முடி, துணைச்செயலாளர் அ, முகமது பாட்சா ஆகியோர் முன்னிலை வகித்தனர். இவ்விழாவில் ‘தமிழ்ச்செம்மல்’ கவிஞர் வதிலை பிரபா அவர்கள் சிறப்பு விருந்தினராகக் கலந்து கொண்டு, உறுப்பினர்களுக்கான அட்டையினை வழங்கிச் சிறப்புரையாற்றினார். சங்கத்தின் பொருளாளர் கவிஞர் ம. கவிக்கருப்பையா நன்றி கூறினார். (நிகழ்வுப் படங்களைப் பார்வையிட: இங்கே சொடுக்குக)

*****

உத்தமபாளையம், ஸ்ரீ விகாசா கல்வியியல் கல்லூரியில்
‘உலக மகளிர் நாள் விழா’ (8-3-2019)

தேனித் தமிழ்ச் சங்கத்தின் உலக மகளிர் நாள் விழா
தேனித் தமிழ்ச் சங்கம் மற்றும் உத்தமபாளையம் ஸ்ரீ விகாசா கல்வியியல் கல்லூரி இணைந்து, கல்லூரிக் கூட்ட அரங்கில் ‘உலக மகளிர் நாள் விழா’வினை நடத்தின. இவ்விழாவிற்குக் கல்லூரியின் செயலாளர் இந்திரா உதயக்குமார் தலைமை தாங்கினார். கல்லூரி முதல்வர் முனைவர் வெ. மகாலட்சுமி வரவேற்புரையாற்றினார். தேனித் தமிழ்ச் சங்கத்தின் துணைச்செயலாளர் மு. ரேணுகாதேவி நிகழ்வு குறித்த அறிமுக உரையாற்றினார். தேனித் தமிழ்ச் சங்க உறுப்பினர் மு.சு. முத்துக்கமலம், ஸ்ரீ விகாசா வித்யாலயா பள்ளி ஆசிரியரை அ. நசீபா மற்றும் ஸ்ரீ விகாசா கல்வியியல் கல்லூரி, உதவிப் பேராசிரியர் அ. கவிதா ஆகியோர் வாழ்த்துரை வழங்கினர். இவ்விழாவில் மதுரை, ரசிய மொழிப் பயிற்சி மையத்தின் ஒருங்கிணைப்பாளர் கிராவட்ஸ் ஜோயா விளாடிமிர் ரொவ்னா மற்றும் ஞானவாணி பண்பலை வானொலி அறிவிப்பாளர் முனைவர் பி. வித்யா ஆகியோர் கலந்து கொண்டு சிறப்புரையாற்றினர். மாணவி பா. ஜெயஸ்ரீ நன்றி கூறினார். (நிகழ்வுப் படங்களைப் பார்வையிட: இங்கே சொடுக்குக)

*****

வீரபாண்டி, தேனி கலை மற்றும் அறிவியல் கல்லூரியில்
‘இணையத்தில் தமிழ்’ ஒருநாள் தேசியப் பயிலரங்கம் (21-2-2019)

தேனித் தமிழ்ச் சங்கத்தின் ஒருநாள் தேசியப் பயிலரங்கம்
தேனித் தமிழ்ச் சங்கம், தேனி கலை மற்றும் அறிவியல் கல்லூரி மற்றும் மதுரை காமராசர் பல்கலைக்கழகம், தமிழியற்புலம், தமிழியல் துறை ஆகியவை இணைந்து, உலகத் தாய்மொழி நாளை முன்னிட்டு, கல்லூரி மாணவர்கள் பயன் பெறும் வகையில் “இணையத்தில் தமிழ்” என்னும் பொருளில் ஒரு நாள் (21-2-2019) தேசியப் பயிலரங்கத்தினை நடத்தியது.. இப்பயிலரங்கினை மதுரை காமராசர் பல்கலைக்கழக உள்தர உத்தரவாத மைய இயக்குநர் முனைவர் க. பாலகிருஷ்ணன் தொடங்கி வைத்துச் சிறப்புரையாற்றினார். தொழில்நுட்ப அமர்வில், திருச்சிராப்பள்ளி, இணையத் தமிழ் வளர்ச்சி நிறுவன இயக்குநர் முனைவர் தி. நெடுஞ்செழியன், தமிழ் எழுத்துருக்கள்’ எனும் தலைப்பிலும், திருச்சி, நவலூர்குட்டப்பட்டு, பாரதிதாசன் பல்கலைக்கழக உறுப்புக் கல்லூரி, தமிழ்த்துறைத் தலைவர் முனைவர் துரை. மணிகண்டன், ‘தமிழ் வலைப்பூக்கள்’ எனும் தலைப்பிலும், தேனித் தமிழ்ச் சங்கத்தின் தலைவர் தேனி மு. சுப்பிரமணி, ‘தமிழ் மின்னிதழ்கள்’ எனும் தலைப்பிலும், காந்திகிராமக் கிராமியப் பல்கலைக்கழகத் தமிழ்த்துறை உதவிப் பேராசிரியர், முனைவர் சி. சிதம்பரம், ‘தமிழ் மின்னூல்கள்’ எனும் தலைப்பிலும் பயிற்சியளித்தனர். பயிற்சியின் நிறைவில் பங்கேற்ற மாணவர்களுக்கு மதுரை காமராசர் பல்கலைக்கழகத் தமிழியல்துறைத் தலைவர் முனைவர் போ. சத்தியமூர்த்தி சான்றிதழ்களை வழங்கிப் பேசினார். பயிலரங்கில் தேனித் தமிழ்ச் சங்கச் செயலாளர் சு.சி. பொன்முடி, பொருளாளர் ம. கவிக்கருப்பையா, துணைச் செயலாளர் அ. முகமது பாட்சா ஆகியோர் வாழ்த்துரை வழங்கினர். முன்னதாக கல்லூரி உதவிப் பேராசிரியர் முனைவர் நாகேந்திரன் வரவேற்புரையும், முடிவில் கல்லூரியின் தமிழ்த்துறைத் தலைவர் மு. ரேணுகாதேவி நன்றியுரையும் வழங்கினர். (நிகழ்வுப் படங்களைப் பார்வையிட: இங்கே சொடுக்குக)

*****

மதுரை காமராசர் பல்கலைக்கழகம், தமிழியல் துறையில்
‘ஆராய்ச்சி நெறிமுறைகள், தமிழ் ஆராய்ச்சியின் வரலாறும் வளர்ச்சியும்’ இரு நாள் தேசியப் பயிலரங்கம் (2-2-2019 & 3-2-2019)

தேனித் தமிழ்ச் சங்கத்தின் இரு நாள் தேசியப் பயிலரங்கம்
மதுரை காமராசர் பல்கலைக்கழகம், தமிழியற்புலம், தமிழியல் துறை ஒருங்கிணைப்பில், மதுரை காமராசர் பல்கலைக்கழக உள்தர உத்தரவாத மையம், கச்சியப்ப முனிவர் தமிழியல் கல்லூரி (முசிறி), அமெரிக்கா, ஹூஸ்டன் பல்கலைக்கழகத் தமிழ் இருக்கை மற்றும் தேனித் தமிழ்ச் சங்கம் இணைந்து முதுகலை, ஆய்வியல் நிறைஞர்,முனைவர்ப் பட்ட மாணவர்கள் மற்றும் முனைவர்ப் பட்ட மேலாய்வாளர்கள் ஆய்வுத் திறனை வளர்த்துக் கொள்ளும் வகையில் “ஆராய்ச்சி நெறிமுறைகள், தமிழ் ஆராய்ச்சியின் வரலாறும் வளர்ச்சியும்” என்னும் பொருளில் இரண்டு நாள் (2-2-2019 & 3-2-2019) தேசியப் பயிலரங்கத்தினை நடத்தியது.. இவ்விழாவின் தொடக்க நிகழ்விற்கு மதுரை காமராசர் பல்கலைக்கழகத் தமிழியற்புலத் தலைவர் முனைவர் வை. இராமராசபாண்டியன் தலைமை வகித்தார். பல்கலைக்கழகத் தமிழியல் துறைத் தலைவரும், பயிலரங்க ஒருங்கிணைப்பாளருமான முனைவர் போ. சத்தியமூர்த்தி வரவேற்றார். மதுரை காமராசர் பல்கலைக்கழக உள்தர உத்தரவாத மையத் துணை இயக்குநர் பேராசிரியர் முனைவர் செ. முருகேசன் பயிலரங்க அறிமுகவுரையாற்றினார். பாரதிதாசன் பல்கலைக்கழக மேனாள் தமிழ்த்துறைத் தலைவரும், கச்சியப்ப முனிவர் தமிழியல் கல்லூரி முதல்வருமான பேராசிரியர் அரு. மருததுரை பயிலரங்கைத் தொடங்கி வைத்துச் சிறப்புரையாற்றினார். பயிலரங்கில் அமெரிக்கா, ஹூஸ்டன் பல்கலைக்கழகத் தமிழாய்வு இருக்கையின் இயக்குனர் திரு. பிரபுரங்கராசு, மலேசியா பினாங்கு மாநிலக் காவல் ஆய்வாளர்கள் அருள் பிரகாஷ் பாலகிருஷ்ணன், லோகநாதன்கிருஷ்ணன் ஆகியோர் சிறப்புரையாற்றினர். தேனித் தமிழ்ச் சங்கத்தின் தலைவர் தேனி மு. சுப்பிரமணி, பொருளாளர் கவிஞர் ம. கவிக்கருப்பையா ஆகியோர் வாழ்த்துரை வழங்கினர். (நிகழ்வுப் படங்களைப் பார்வையிட: இங்கே சொடுக்குக)

*****

உத்தமபாளையம் ஸ்ரீ விகாசா கல்வியியல் கல்லூரியில்
‘மின்வழித் தமிழ் கற்றல்-கற்பித்தல்’ ஒரு நாள் பன்னாட்டுப் பயிலரங்கம்(1-11-2018)

தேனித் தமிழ்ச் சங்கத்தின் ஒரு நாள் பன்னாட்டுப் பயிலரங்கம்
தேனித் தமிழ்ச் சங்கம், தமிழ் அநிதம் (அமெரிக்கா) மற்றும் உத்தமபாளையம் ஸ்ரீ விகாசா கல்வியியல் கல்லூரி இணைந்து 1-11-2018 அன்று ‘மின்வழித் தமிழ் கற்றல்-கற்பித்தல்’ ஒரு நாள் பன்னாட்டுப் பயிலரங்கத்தை நடத்தின. இப்பயிலரங்கத் தொடக்க விழா நிகழ்வுக்குக் கல்லூரியின் தாளாளர் நல்லாசிரியை இந்திரா உதயக்குமார் தலைமை தாங்கினார். கல்லூரி முதல்வர் முனைவர் வெ. மகாலட்சுமி வரவேற்றார். தேனித் தமிழ்ச் சங்கத்தின் தலைவர் தேனி மு. சுப்பிரமணி, துணைச் செயலாளர் அ. முகமது பாட்சா, கல்லூரி உதவிப் பேராசிரியர் பா. சசிக்குமார் ஆகியோர் வாழ்த்துரை வழங்கினர். மதுரை காமராசர் பல்கலைக்கழக மொழியியல் மற்றும் தொடர்பியல் புலத்தின் மேனாள் தலைவரும், மொழியியல் துறையின் தகைசால் பேராசிரியருமான முனைவர் வே. ரேணுகாதேவி அவர்கள் பயிலரங்கினைத் தொடங்கி வைத்து, அதே தலைப்பில் பயிற்சியுமளித்தார். அவரைத் தொடர்ந்து, திரு. ஜனார்த்தனம் (நிருவாக இயக்குநர், டிக் சாப்ட்ஸ், மதுரை) அவர்கள் ‘கற்பித்தலுக்கான செயலிகள்’ (Teaching Apps) எனும் தலைப்பிலும், அண்ணாமலைப் பல்கலைக்கழக மொழியியல் உயராய்வு மையத்தின் பேராசிரியர் (பணி நிறைவு) முனைவர் அ. காமாட்சி அவர்கள் ‘மின்வழிக் கற்றல் மூலம் எளிமையாகத் தமிழ் கற்பித்தல்’ (Tamil Teaching Made Easy by E-Learning) எனும் தலைப்பிலும், தேனித் தமிழ்ச் சங்கத்தின் தலைவர் தேனி மு. சுப்பிரமணி அவர்கள் ‘இணையத்தில் இன்பத்தமிழ் கற்றல்’(Inbatamil Learning in Internet) எனும் தலைப்பிலும், தமிழ் அநிதம் (அமெரிக்கா) நிறுவனரும், தலைவருமான சுகந்தி நாடார் அவர்கள் அமெரிக்காவிலிருந்து, ‘தொழில்நுட்பங்களும் தமிழ்ப் பாடங்கள் தயாரிப்பும்’ (Technologies and Tamil Lessons Preparation) எனும் தலைப்பில் காணொலிக் காட்சி வழியாகவும், சென்னை, செம்மொழித் தமிழாய்வு மத்திய நிறுவனத்தின் நிரலாளர், எஸ். கார்த்திகேயன் அவர்கள் ‘மின்வழிக் கற்றலில் செம்மொழித் தமிழ்’ (E-Learning in Classical Tamil) எனும் தலைப்பிலும் பயிற்சியளித்தனர். மாலையில் நடைபெற்ற நிறைவு விழாவில் மதுரை காமராசர் பல்கலைக்கழகத்தின் மொழியியல் துறை உதவிப் பேராசிரியர் முனைவர் கா. உமாராஜ் அவர்கள் நிறைவு விழா உரையும், தேனித் தமிழ்ச் சங்கத்தின் செயலாளர் சு.சி.பொன்முடி, பொருளாளர் கவிஞர் ம. கவிக்கருப்பையா ஆகியோரும் உரையாற்றினர். கல்லூரி உதவிப் பேராசிரியர் ம. விக்னேஷ்குமார் நன்றி தெரிவித்தார். (நிகழ்வுப் படங்களைப் பார்வையிட: இங்கே சொடுக்குக)

*****

தேனித் தமிழ்ச் சங்கத்தின் சிலம்பு மற்றும் காந்தியப் பெருவிழா (02-10-2018)

தேனித் தமிழ்ச் சங்கத்தின் ஆலோசனைக் கூட்டம்
தேனித் தமிழ்ச் சங்கத்தின் சிலம்பு மற்றும் காந்தியப் பெருவிழா, தலைவர் தேனி மு. சுப்பிரமணி தலைமையில், பொருளாளர் கவிஞர் ம. கவிக்கருப்பையா, துணைச்செயலாளர்கள் அ. முகமது பாட்சா, மருத்துவர் மு. பிரீத்தா நிலா ஆகியோர் முன்னிலையில் நடைபெற்றது. இவ்விழாவில் புதிய உறுப்பினர்களுக்குப் பயனாடை அணிவித்து வரவேற்பு செய்து சிறப்பிக்கப்பட்டது. விழாவில் தேனி மாவட்டம், கூடலூர், மங்கலதேவி கண்ணகி அறக்கட்டளைத் தலைவர் திரு தமிழாதன் அவர்கள், தேனி மாவட்டச் சர்வோதயா மண்டலத் துணைத்தலைவரும், காந்தீயக் கொள்கையாளருமான திரு அ. சேதுபதி அவர்கள் மற்றும் உத்தமபாளையம், ஸ்ரீ விகாசா கல்வி நிறுவனங்களின் தாளாளர் திருதி இந்திரா உதயக்குமார் ஆகியோர் பாராட்டிச் சிறப்பிக்கப்பட்டனர். தமிழ் வளர்ச்சித் துறை துணை இயக்குநரும், மதுரை உலகத் தமிழ்ச் சங்கத்தின் மேனாள் தனி அலுவலருமான முனைவர் க. பசும்பொன் அவர்கள் பேராளர்களைப் பாராட்டிச் சிறப்புரையாற்றினார். உதகை, கவிஞர் டி. வாக்கிங் அவர்கள் நிகழ்வுச் சிறப்புரையாற்றினார். மதுரை காமராசர் பல்கலைக்கழகத் தமிழியல் துறைத்தலைவர் முனைவர் போ. சத்தியமூர்த்தி, மொழியியல்துறை உதவிப் பேராசிரியர் முனைவர் கா. உமாராஜ் ஆகியோர் வாழ்த்துரை வழங்கினர். பாராட்டு பெற்ற திரு தமிழாதன் மற்றும் திரு அ. சேதுபதி ஆகியோர் ஏற்புரை வழங்கினர். முன்னதாகச் சங்கத்தின் செயலாளர் சு.சி. பொன்முடி வரவேற்புரையும், நிறைவாக, சங்கத்தின் துணைத்தலைவர் ந.வீ.வீ. இளங்கோ அவர்கள் நன்றியுரையும் வழங்கினர்.(நிகழ்வுப் படங்களைப் பார்வையிட: இங்கே சொடுக்குக)

*****

தேனித் தமிழ்ச் சங்கத்தின் ஆலோசனைக் கூட்டம் (02-09-2018)

தேனித் தமிழ்ச் சங்கத்தின் ஆலோசனைக் கூட்டம்
தேனித் தமிழ்ச் சங்கத்தின் ஆலோசனைக் கூட்டம், தலைவர் தேனி மு. சுப்பிரமணி தலைமையில் செயலாளர் சு.சி. பொன்முடி முன்னிலையில் நடைபெற்றது. இக்கூட்டத்தில் அக்டோபர் 2 ஆம் நாளில் சங்கத்தின் புதிய உறுப்பினர்களுக்கு வரவேற்பு செய்வது, காந்தீயக் கொள்கையாளருக்குப் பாராட்டிச் சிறப்பிப்பது உள்ளிட்ட இரண்டாவது விழாவினை நடத்துவதென்று முடிவு செய்யப்பட்டது. இக்கூட்டத்தில் பொருளாளர் ம. கவிக்கருப்பையா, துணைத்தலைவர் ந.வீ.வீ. இளங்கோ, துணைச் செயலாளர்கள் மருத்துவர் மு. பிரீத்தா நிலா, அ. முகமது பாட்சா ஆகியோரும் நிருவாகக்குழு மற்றும் பொதுக்குழு உறுப்பினர்கள், புதிதாகச் சேர்ந்த உறுப்பினர்கள் எனப் பலரும் கலந்து கொண்டனர். (நிகழ்வுப் படங்களைப் பார்வையிட: இங்கே சொடுக்குக)

*****

கேரளா (மூணாறு, நல்லதண்ணி எஸ்டேட்) வெள்ளப்பாதிப்புப் பகுதியில் இலவச ஆயுர்வேத மருத்துவ முகாம் (26-08-2018)

இலவச ஆயுர்வேத மருத்துவ முகாம்
கற்றல் இனிது வாழ்வியல் பள்ளி மற்றும் தேனித் தமிழ்ச் சங்கம் இணைந்து 26-08-2018, ஞாயிற்றுக்கிழமை அன்று, கேரள மாநிலம், இடுக்கி மாவட்டம், மூணாறு, நல்லதண்ணி எஸ்டேட் பகுதியில் மருத்துவர் எஸ். முருகேசன் அவர்களது தலைமையிலான ஆறு மருத்துவர்கள் உள்ளிட்ட 15 நபர்கள் கொண்ட குழுவின் மூலம் 300க்கும் அதிகமானவர்களுக்கு இலவச மருத்துவ சிகிச்சை அளித்து, இலவச மருந்துகளும் வழங்கப்பட்டன. இந்நிகழ்வில் கற்றல் இனிது வாழ்வியல் பள்ளியின் சார்பில் மருத்துவர் மு. பிரீத்தா நிலா (துணைச் செயலாளர், தேனித் தமிழ்ச் சங்கம்) மற்றும் மருத்துவர் எஸ். முருகேசன் ஆகியோரும், தேனித் தமிழ்ச் சங்கத்தின் சார்பில் தலைவர் தேனி மு. சுப்பிரமணி, பொருளாளர் கவிஞர் ம. கவிக்கருப்பையா, துணைச் செயலாளர் அ. முகமது பாட்சா, உறுப்பினர் எம். கணேஷ் (விகடன் செய்தியாளர்) மற்றும் உறுப்பினர் தீர்க்கதரிசனன் ஆகியோர் கலந்து கொண்டனர். இந்நிகழ்வில் கலந்து கொண்ட கேரள மாநிலம், தேவிகுளம் சட்டமன்ற உறுப்பினர் திரு ராஜேந்திரன் அவர்கள் கற்றல் இனிது வாழ்வியல் பள்ளி மற்றும் தேனித் தமிழ்ச் சங்கம் அமைப்புகளுக்குத் தனது நன்றியைத் தெரிவித்துக் கொண்டார்.(நிகழ்வுப் படங்களைப் பார்வையிட: இங்கே சொடுக்குக)

*****

உத்தமபாளையம், விகாசா கல்வி நிறுவனங்களில் விடுதலை நாள் மற்றும் யானைகள் நாள் விழா (15-08-2018)

உத்தமபாளையம், விகாசா பள்ளியில் சிரிப்பு யோகா
15-08-2018 அன்று, தேனி மாவட்டம், உத்தமபாளையம், ஸ்ரீ விகாசா வித்யாலயா மெட்ரிக்குலேசன் மேல்நிலைப்பள்ளியில் பள்ளியின் தாளாளர் மற்றும் முதல்வர் இந்திரா உதயக்குமார் அவர்கள் தலைமையில் நடைபெற்ற 72வது சுதந்திர தின விழாவில் தேனித் தமிழ்ச் சங்கத்தின் துணைச்செயலாளர் மருத்துவர் பிரீத்தா நிலா அவர்களும், ஸ்ரீ விகாசா கல்வியியல் கல்லூரியில் தமிழ் உலகம் அறக்கட்டளையின் ஆலோசகர் திரு. ஆல்பர்ட் பெர்னாண்டோ (விஸ்கான்சின், அமெரிக்கா) அவர்களும் இந்திய தேசியக் கொடியினை ஏற்றி வைத்துச் சிறப்புரையாற்றினர். இதனைத் தொடர்ந்து, உத்தமபாளையம், ஸ்ரீ விகாசா வித்யாலயா மெட்ரிக்குலேசன் மேல்நிலைப்பள்ளியில், தேனித் தமிழ்ச் சங்கம் மற்றும் கற்றல் இனிது வாழ்வியல் பள்ளி ஆகியவை இணைந்து நடத்திய ‘யானைகள் நாள் கொண்டாட்டம்’ நடைபெற்றது. இந்நிகழ்வில் யானைகளின் வாழ்வுகள் குறித்த பல்வேறு தகவல்களை விளக்கும் கருத்துரைகளை தமிழ் உலகம் அறக்கட்டளையின் ஆலோசகர் ஆல்பர்ட் பெர்னான்டோ, தேனித் தமிழ்ச் சங்கப் பொருளாளர் ம. கவிக்கருப்பையா மற்றும் விகடன் குழுமச் செய்தியாளர் எம். கணேஷ் ஆகியோர் வழங்கினர். இவ்விழாவில் நூற்றுக்கும் அதிகமான யானை குறித்த ஒளிப்படங்கள் மாணவர்களின் பார்வைக்கு வைக்கப்பட்டிருந்தன. நிகழ்வின் முடிவில் ஒளிப்படக்கலைஞர் அருண் அவர்களது ‘யானைகளின் குறிப்புகள்’ (யானைகளின் சைகைகள்) எனும் ஆவணப்படம் திரையிட்டுக் காண்பிக்கப்பெற்றது. இவ்விழாவில் தேனித் தமிழ்ச் சங்கத்தின் தலைவர் தேனி மு. சுப்பிரமணி, துணைச் செயலாளர் மருத்துவர் பிரீத்தா நிலா உள்ளிட்டோர் கலந்து கொண்டனர்.(நிகழ்வுப் படங்களைப் பார்வையிட: இங்கே சொடுக்குக)

*****

உத்தமபாளையம், விகாசா பள்ளியில் சிரிப்பு யோகா (04-07-2018)

உத்தமபாளையம், விகாசா பள்ளியில் சிரிப்பு யோகா
தேனி மாவட்டம், உத்தமபாளையம், ஸ்ரீ விகாசா வித்தியாலயா மெட்ரிக்குலேசன் மேல்நிலைப்பள்ளியில் தேனித் தமிழ்ச் சங்கத்தின் சார்பில் 04-07-2018, புதன்கிழமை காலை 10.00 மணிக்கு ‘சிரிப்பு யோகா’ நிகழ்வு நடத்தப் பெற்றது. இந்நிகழ்வுக்குப் பள்ளியின் தாளாளரும் முதல்வருமான இந்திரா உதயக்குமார் தலைமை வகித்தார். தேனித் தமிழ்ச்சங்கத்தின் தலைவர் தேனி மு. சுப்பிரமணி முன்னிலை வகித்தார். பள்ளியில் ஆறாம் வகுப்பு முதல் பன்னிரண்டாம் வகுப்பு வரை பயிலும் மாணவ, மாணவியர்களுக்கும், ஆசிரியர்களுக்கும் சிரிப்பானந்தா ‘சிரிப்பு யோகா’ நிகழ்வினை நடத்தி அனைவரையும் மகிழ்ச்சி அடையச் செய்தார். இந்நிகழ்வில் தேனித் தமிழ்ச் சங்கத்தின் பொருளாளர் ம. கவிக்கருப்பையா, நிருவாகக் குழு உறுப்பினர் மு. இளஞ்செழியன் ஆகியோர் கலந்து கொண்டனர். இந்நிகழ்வுக்கு முன்னதாகத் தமிழாசிரியை எஸ். விஜயலட்சுமி வரவேற்றார். முடிவில் தமிழாசிரியை எம். மணிமலர் நன்றி கூறினார். நிகழ்ச்சியைத் தமிழாசிரியர் ஆர். பொம்முராஜ் தொகுத்து வழங்கினார்.(நிகழ்வுப் படங்களைப் பார்வையிட: இங்கே சொடுக்குக)

*****

தேனித் தமிழ்ச் சங்கத்தின் சித்திரை மாதக் கூட்டம் (21-04-2018)

தேனித் தமிழ்ச் சங்கத்தின் சித்திரை மாதக் கூட்டம்
தேனித் தமிழ்ச் சங்கத்தின் சித்திரை மாதக் கூட்டம் 21-04-2018, சனிக்கிழமை மாலை 6.00 மணிக்கு மாயா புத்தக நிலையம் மாடியில் சங்கத்தின் தலைவர் தேனி மு. சுப்பிரமணி தலைமையில், செயலாளர் சு. சி. பொன்முடி, துணைச் செயலாளர்கள் மு. பிரீத்தா நிலா, அ. முகமது பாட்சா ஆகியோர் முன்னிலையில் நடைபெற்றது. இக்கூட்டத்தில் காந்திகிராமக் கிராமியப் பல்கலைக்கழகப் பேராசிரியர் முனைவர் சி. சிதம்பரம் ‘புத்தக வாசிப்பும் புதிய சிந்தனைகளும்’ என்ற தலைப்பிலும், தேனி, நாடார் சரசுவதி கலை மற்றும் அறிவியல் கல்லூரித் தமிழ்த்துறைத் தலைவர் முனைவர் ம. தேவகி ‘வாழ்க்கையின் உயர்வுக்கு வழிகாட்டும் புத்தகங்கள்’ என்ற தலைப்பிலும் சிறப்புரையாற்றினர். முன்னதாகத் துணைத்தலைவர் ந.வீ.வீ. இளங்கோ வரவேற்றார். முடிவில் பொருளாளர் ம. கவிக்கருப்பையா நன்றி தெரிவித்தார். (நிகழ்வுப் படங்களைப் பார்வையிட: இங்கே சொடுக்குக)

*****

தேனித் தமிழ்ச் சங்கத்திற்கான இணையதளம் தொடக்க விழா (18-03-2018)

தேனித் தமிழ்ச் சங்கத்திற்கான இணையதளம் தொடக்க விழா
தேனித் தமிழ்ச் சங்கத்திற்கான இணையதளம் தொடக்க விழா 18-03-2018 அன்று தேனி, பெரியகுளம் சாலையிலுள்ள சங்க அலுவலகத்தில் சங்கத்தின் தலைவர் தேனி மு. சுப்பிரமணி தலைமையில், சங்கத்தின் செயலாளர் சு. சி. பொன்முடி முன்னிலையில் நடைபெற்றது. இவ்விழாவில் மதுரை காமராசர் பல்கலைக்கழகத்தின் தமிழியல் துறைத் தலைவர் முனைவர் போ. சத8தியமூர்த்தி கலந்து கொண்டு சங்கத்திற்கான இணையதளத்தினைத் தொடங்கி வைத்தார். இந்நிகழ்வில் பொருளாளர் ம. கவிக்கருப்பையா, பொதுக்குழு உறுப்பினர் ரெ.ம. தாமோதரன் (முன்னாள் நகர்மன்ற உறுப்பினர்) உள்ளிட்டோர் கலந்து கொண்டனர். (நிகழ்வுப் படங்களைப் பார்வையிட: இங்கே சொடுக்குக)

*****

தேனித் தமிழ்ச் சங்கத்தின் முப்பெரும் விழா (17-03-2018)

தேனித் தமிழ்ச் சங்கத்தின் முப்பெரும் விழா
தேனித் தமிழ்ச் சங்கத்தின் முப்பெரும் விழா 17-3-2018 அன்று தேனி, வாசவி திருமண மண்டபத்தில் சங்கத்தின் தலைவர் தேனி மு. சுப்பிரமணி தலைமையில், சங்கத்தின் செயலாளர் சு. சி. பொன்முடி, துணைத்தலைவர் ந.வீ.வீ. இளங்கோ மற்றும் துணைச்செயலாளர் அ. முகமது பாட்சா முன்னிலையில் நடைபெற்றது. இவ்விழாவில் சங்கத்தின் நிருவாகிகள் பதவியேற்றுக் கொண்டனர். தேனி மாவட்ட மூத்தத் தமிழறிஞர் பெரியகுளம், புலவர் மு. இராசரத்தினம் அவர்கள் பாராட்டிச் சிறப்பிக்கப்பட்டார். சிரிப்பானந்தாவின் சிரிப்பு யோகா நிகழ்ச்சி நடைபெற்றது. முன்னதாக, சங்கத்தின் துணைச் செயலாளர் மருத்துவர் மு. பிரீத்தா நிலா வரவேற்றார். முடிவில் சங்கத்தின் பொருளாளர் ம. கவிக்கருப்பையா நன்றி கூறினார். (நிகழ்வுப் படங்களைப் பார்வையிட: இங்கே சொடுக்குக)

*****

முதல் பொதுக்குழுக் கூட்டம் (17-12-2017)

முதல் பொதுக்குழுக் கூட்டம
தேனித் தமிழ்ச் சங்கத்தின் முதல் பொதுக்குழுக் கூட்டம், 17-12-2018 அன்று தேனி, அல்லிநகரம் செண்பா மருத்துவமனை வளாகத்தில் சங்கத்தின் தலைவர் தேனி மு. சுப்பிரமணி தலைமையில், செயலாளர் சு. சி. பொன்முடி முன்னிலையில் நடைபெற்றது. கூட்டத்தில் பொருளாளர் ம. கவிக்கருப்பையா, துணைத்தலைவர் ந.வீ.வீ. இளங்கோ, துணைச் செயலாளர்கள் மருத்துவர் மு. பிரீத்தா நிலா, அ. முகமது பாட்சா ஆகியோரும் நிருவாகக்குழு மற்றும் பொதுக்குழு உறுப்பினர்கள் அனைவரும் கலந்து கொண்டனர்.(நிகழ்வுப் படங்களைப் பார்வையிட: இங்கே சொடுக்குக)

© 2018 தேனித்தமிழ்ச்சங்கம்.ஆர்க் | பொறுப்பாகாமை அறிவிப்பு | ரகசிய காப்பு கொள்கை | உங்கள் கருத்துக்கள்

இத்தளத்தினை வடிவமைத்து வழங்கிக் கொண்டிருப்பது

முத்துக்கமலம் இணைய இதழ் (www.muthukamalam.com)

(ISSN: 2454-1990)