தேனித் தமிழ்ச் சங்கம் மற்றும் சி. பா. ஆதித்தனார் தமிழியல் ஆய்வுக் கழகம் இணைந்து நடத்தி வரும் “இணைய வழியிலான தமிழியல் உரை மற்றும் கலந்துரையாடல்” நிகழ்வில், இந்திய விடுதலைப் போராட்ட வீரர் வ. உ. சிதம்பரனார் அவர்களது 150-வது பிறந்தநாளை முன்னிட்டு, 5-9-2021, ஞாயிற்றுக்கிழமையன்று நடைபெற்ற உரை நிகழ்வில், காரைக்குடி, அழகப்பா அரசு கலைக்கல்லூரி, தமிழ்த்துறை, இணைப்பேராசிரியர் முனைவர் மா. சிதம்பரம் அவர்கள் “செயற்கரிய செய்த சிதம்பரனார்” எனும் உரையினை வழங்கினர். இந்நிகழ்வில், இந்தியா, இலங்கை, மலேசியா உள்ளிட்ட நாடுகளிலிருந்து பேராசிரியர்கள், ஆய்வாளர்கள், தமிழ் ஆர்வலர்கள் பலரும் கலந்து கொண்டனர். திருச்சிராப்பள்ளி சி. பா. ஆதித்தனார் தமிழியல் ஆய்வுக் கழகத்தின் தலைவர் முனைவர் தி. நெடுஞ்செழியன் நிகழ்வை நெறிப்படுத்தினார். இந்நிகழ்ச்சிக்கான ஏற்பாடுகளைத் தேனித் தமிழ்ச் சங்கத்தின் தலைவரும் எழுத்தாளருமான தேனி மு. சுப்பிரமணி செய்திருந்தார்.