தேனித் தமிழ்ச் சங்கம் மற்றும் சி. பா. ஆதித்தனார் தமிழியல் ஆய்வுக் கழகம் இணைந்து நடத்தி வரும் “இணைய வழியிலான தமிழியல் உரை மற்றும் கலந்துரையாடல்” நிகழ்வில், உலகச் சைவ உணவாளர் நாளை (அக்டோபர், 1) முன்னிட்டு, 3-10-2021, ஞாயிற்றுக்கிழமை, மாலை 5.00 மணிக்கு, சென்னை, உலகத் தமிழாராய்ச்சி நிறுவனம், சமரச சுத்த சன்மார்க்க சத்திய ஆய்விருக்கை, பொறுப்பாளர் முனைவர் பா. மஞ்சுளா அவர்களது “சைவ உணவும் சன்மார்க்க உணவும்” எனும் உரை இடம் பெற்றது. இந்நிகழ்வில், இந்தியா, இலங்கை, மலேசியா உள்ளிட்ட நாடுகளிலிருந்து பேராசிரியர்கள், ஆய்வாளர்கள், தமிழ் ஆர்வலர்கள் பலரும் கலந்து கொண்டனர். திருச்சிராப்பள்ளி சி. பா. ஆதித்தனார் தமிழியல் ஆய்வுக் கழகத்தின் தலைவர் முனைவர் தி. நெடுஞ்செழியன் நிகழ்வை நெறிப்படுத்தினார். இந்நிகழ்ச்சிக்கான ஏற்பாடுகளைத் தேனித் தமிழ்ச் சங்கத்தின் தலைவரும் எழுத்தாளருமான தேனி மு. சுப்பிரமணி செய்திருந்தார்.

இவ்வுரையினை வலையொளியில் (You Tube) காணக் கீழ்க்காணும் இணைப்பிற்குச் செல்லலாம்.

https://youtu.be/nRH4-R5ga_c