தேனித் தமிழ்ச் சங்கம் மற்றும் தமிழ் இணையக் கழகம் இணைந்து 27-4-2020, திங்கள் கிழமை, மாலை 5.00 மணிக்கு நடத்திய இணைய வழியிலான தமிழியல் உரை நிகழ்வில் கோயம்புத்தூர், அமிர்தா பல்கலைக்கழகம், மொழியியல் துறை, பேராசிரியர் முனைவர் ச. இராஜேந்திரன் அவர்கள், திராவிட மொழிகளின் சொற்றொகையின் மூலப்பொருண்மையியல் கட்டமைப்பு எனும் தலைப்பில் சிறப்புரையாற்றினார். இந்நிகழ்வில் இந்தியா, இலங்கை, சிங்கப்பூர், மலேசியா, அமெரிக்கா உள்ளிட்ட நாடுகளிலிருந்து தமிழ்ப் பேராசிரியர்கள், தமிழ் ஆய்வாளர்கள் மற்றும் தமிழ் ஆர்வலர்கள் பலரும் கலந்து கொண்டனர். இந்நிகழ்ச்சிக்கான ஏற்பாடுகளைத் தேனித் தமிழ்ச் சங்கத்தின் தலைவர் தேனி மு. சுப்பிரமணி மற்றும் தமிழ் இணையக் கழகத்தின் தலைவர் முனைவர் துரை. மணிகண்டன் ஆகியோர் இணைந்து செய்திருந்தனர்.