தேனி மாவட்டம், வடுகபட்டி, சுத்த சன்மார்க்க சத்திய ஞான சபை, அருட்பெருஞ்ஜோதி வள்ளலார் சேவா அறக்கட்டளை, தேனித் தமிழ்ச் சங்கம் மற்றும் திருச்சிராப்பள்ளி, சி. பா. ஆதித்தனார் தமிழியல் ஆய்வுக் கழகம் இணைந்து அருட்பெருஞ்ஜோதி வள்ளலார் அவர்கள் பிறந்த நாளை முன்னிட்டு, 28-1-2021, வியாழக்கிழமை, மாலை 5.00 மணிக்கு இணைய வழியில் நடத்திய சிறப்பு நிகழ்வில், கோயம்புத்தூர், பி.எஸ்.ஜி. கலை அறிவியல் கல்லூரி, தமிழ்த்துறை, உதவிப்பேராசிரியர், முனைவர் இராம. பரிமளம் அவர்கள், வள்ளலார் காட்டிய வாழ்க்கை நெறிகள் எனும் தலைப்பில் சிறப்புரையாற்றினார். இந்நிகழ்வில் இந்தியா, இலங்கை, சிங்கப்பூர், மலேசியா, பிரான்சு, அமெரிக்கா உள்ளிட்ட நாடுகளிலிருந்து தமிழ்ப் பேராசிரியர்கள், தமிழ் ஆய்வாளர்கள் மற்றும் தமிழ் ஆர்வலர்கள் பலரும் கலந்து கொண்டனர்.

இந்நிகழ்வினை திருச்சிராப்பள்ளி, சி. பா. ஆதித்தனார் தமிழியல் ஆய்வுக் கழகத்தின் தலைவர் முனைவர் தி. நெடுஞ்செழியன் அவர்கள் நெறியாளுகை செய்தார்.

இந்நிகழ்ச்சிக்கான ஏற்பாடுகளைத் தேனித் தமிழ்ச் சங்கத்தின் தலைவரும் எழுத்தாளருமான தேனி மு. சுப்பிரமணி அவர்கள் செய்திருந்தார்.

இவ்வுரையினை வலையொளியில் (You Tube) காணக் கீழ்க்காணும் இணைப்பிற்குச் செல்லலாம்.

https://youtu.be/Prx7J5CXaiE