பெரம்பலூர், சீனிவாசன் கலை மற்றும் அறிவியல் கல்லூரி வளாகத்திலுள்ள கூட்ட அரங்கில் 28-4-2022, வியாழக்கிழமை, காலை 10.00 மணிக்கு நடைபெற்ற, பைந்தமிழ்ப் பேரவைத் தொடக்க விழா, பாவேந்தர் பாரதிதாசன் பிறந்தநாள் விழா, புரிந்துணர்வு ஒப்பந்தம் விழா எனும் மூன்று விழாக்களை உள்ளடக்கிய முப்பெரும் விழா நிகழ்விற்குத் தனலட்சுமி சீனிவாசன் பல்கலைக்கழக வேந்தர் மரியாதைக்குரிய அ. சீனிவாசன் அவர்கள் தலைமை வகித்தார். இவ்விழாவில் சீனிவாசன் கலை மற்றும் அறிவியல் கல்லூரியின் தமிழ்த்துறைக்கும், தேனித் தமிழ்ச் சங்கத்திற்கும் இடையிலான கல்வி மற்றும் கலை, இலக்கியம், பண்பாடு ஆராய்ச்சி சார் பரிமாற்றங்கள், மேம்பாட்டுப் பணிகள் மேற்கொள்வது தொடர்பான, புரிந்துணர்வு அடிப்படையிலான ஒப்பந்தம் செய்து கொள்ளப்பட்டது. இப்புரிந்துணர்வு ஒப்பந்தத்தில் கல்லூரியின் சார்பில், கல்லூரி முதல்வர் முனைவர் நா. வெற்றிவேலன் அவர்களும், தேனித் தமிழ்ச் சங்கத்தின் சார்பில், தலைவர் தேனி மு. சுப்பிரமணி மற்றும் செயலாளர் சு. சி. பொன்முடி ஆகியோர் கையொப்பமிட்டனர். அதன் பின்னர், ஆவணங்கள் பரிமாற்றம் செய்து கொள்ளப்பட்டன.